Hier is so klein ietsie om mee te speel. Ek het die blikkies vir die kerk gemaak. Maak houers vir penne, inkleurpotlode, skêre, hekel- en breipenne, koekvurkies, ens!  Gebruik verskillende grootte blikkies.

Volg die aanwysings in die video.

Let Wel: Die video het GEEN KLANK nie - net geskrewe info

Gebruik al jou afval lappies en maak iets bruikbaar! Hier deel ek planne daarvoor. 

Maak 'n sak vir jou vadoeke om in jou kombuis te hang.

Jy kan ook die aanwysings volg en 'n groter sak vir jou handoeke in die badkamer maak of 'n sak vir baba se doeke! As jy baie slim wil wees, kan jy selfs 'n rits insit! Dit sal veral lekker werk vir 'n doekesak wanneer mens reis. Jy kan ook die voorkant versier met kant, lint en borduurwerk. 

Ek het shwe-shwe gebruik, maar enige stewige katoen, denim of ligte gordynstof sak geskik wees.

Ek maak elke jaar vir my 'n paar stelle van hierdie slippers om in die huis te dra. Enige rekstof werk, maar polarfleece en sweetpaklap is lekker warm, veral saam met kouse!

Kombineer EPP, kwiltwerk en hekel in 'n fushion kwilt! Alles wat lekker is om te doen in een projek!

Noudat jy 'n lekker stapel hexies het, gaan jy die hexies op agtergrond blokke vaswerk, kwilt en voorberei vir die hekelwerk. 

Vir die lede wat nie kan hekel nie, gaan ek 'n alternatiewe metode hier wys wat soortgelyk is aan die fushion kwilt, maar sonder hekelwerk. Jy gaan dieselfde materiale nodig hê, behalwe vir die hekelgare en hekelpen! 

Die eerste maand verskil nie van die Fushion kwilt nie, so volg asb die aanwysings daar! Van volgende maand af sal ek hier aparte aanwysings plaas vir die QAYG projek.

Hierdie maand gaan ons die hexie blomme op 'n agtergrond lappie vaswerk en kwilt.

Hierdie maand gaan ons die blokke wat ons gemaak het met 'n tegniek bekend as QAYG - "quilt as you go" las.  Daar is verskillende maniere om die tegniek te gebruik, wat beide masjien- en handwerk insluit. Soos met alle kwiltwerk is dit belangrik om netjies en akkuraat te werk as jy 'n eindproduk wil hê waarop jy kan trots wees!

Hierdie maand maak ons 'n stryktafeltjie met ekstra bêreplek wat kan opvou en in 'n smal spasie (of onder die bed!) kan inskuif.

Hierdie maand maak ons oortreksels vir ons masjiene wat sommer bêreplek het vir die voetstuk, kragkabel en masjienboekie. 

Ek wys hoe om 'n patroon vir jou spesifieke masjien te trek en hoe om 'n voorkant met laslapwerk te beplan en te maak. 

Hierdie maand organiseer ons al daardie naaldwerkgoedjies waarsonder ons nie kan klaarkom nie! Ons gebruik 'n plastiese rakkie (Addis laaikassie) en maak 'n sak waarin hy pas en wat jy met gemak kan rondra. Ons maak ook plan met die laaie se organisasie en 'n lekker houer vir al ons garetolletjies. 

Maak hierdie vinnige vingerlose handskoene in 'n japtrap om jou hande warm te hou!

Gebruik stukke oorskiet polar fleece hiervoor.

Maak "hotpads" vir jou tafel. Die bokant word gebrei of gehekel. Gebruik kou gunsteling doilie patroon en hekel 'n ronde hotpad of brei eenvoudige blokke soos myne. 

Leer vryhand masjienkwilt! 'n Heerlike stokperdjie waarmee jy die mooiste goed kan maak!

Die eerste maand gaan ons OEFEN! Daarna gaan ons groot gekwilte blokke maak en aanmekaar las om 'n pragtige kwilt te skep!